Dat Pinnbarger FDP Programm för de Wahl to'n Kreisdag an'n sössundtwintigsten Mai 2013

Übersetzung von Detlef Goos - Tangstedt

Vörwoort

De FDP is de eenzige liberole Partei in'n Pinnbarger Kreisdag. Liberol ween bedüüdt, de Minschen jümmer Freeheit laten un Nasicht wiesen gegen annere. De FDP Pinnbarg kiekt jümmers op den ganzen Kreis un dat Woll vun alle Minschen. De FDP will op de Geller kieken, an de Familien dinken und de friwilligen Sozialgeller bibehollen.

Hannel un Gewarf

De Elv: Dat Fohrwater inne Elv mut deeper warrn, dat is wichtig för'n Hamborger Hoben und de ganze Metropolregion Hamborg, aver de Dieken möten seker blieven!

 

Help för Hannel un Gewarf: De FDP  is för'n gode Help un Stütt in'n Kreis dorch de WEP, de dorför ok Geller vun'n Kreis hebben mutt. De WEP schall ook Land för Kooplüüd und Handwarkers köpen und verköpen könen.

Neegverhalen un Frömmenverkehr: Pinnbarg is 'n Gegend, wo de Lüüd an'n Wekenend geern mol hinfohren wüllt un dat is good för Hannel un Wannel. De Kreisverwalten kann dat stütten un koordineeren, to'n Bispeel mit de:

  • Maritieme Landschop Ünnere Elv (Maritime Landschaft Unterelbe)
  • Integreerte Statschoon Ünnere Elv, Haseldörp ISU (Integrierte Station Unterelbe),
  • Planen för Rad-, Ried- un Wannerwegen.

De Kreis schall sülvst keen Frömmenverkehr bedrieven, man allens dorför doon, dat uns scheune Gegend beter bekannt warrt un de Lüüd vun woanners herkomen un uns beseuken.

Arboretum: De Norddüütsche Goornschau hett en groot Bedüden un dorför is dat richtig, dat de Kreis den Helperkrink ´n Toschuss to de Kösten gifft.

För Familien

Uns Politik för Familien ward bestimmt dörch Vörsorg un Help för Lüüd in Noot.

Oppassen för Kinner: De Öllern mööt sülvst kieken, wodennig se Familie un Arbeid unner een Hot kregen könen. Dat Anbott för dat Oppassen in Krüpp oder Kinnergoorn mutt flexibel ween un Kreis, Städer un Gemeenen  mööt dorför sorgen, dat dor ook noog Steden boot ward. De FDP is ook för dat Präventionskonzept vun´n Kreis met Raatslaan för Öllern un Familien.

För öllere Lüüd

Wi meent, dat öllere Lüüd ´n Barg Insichten hebbt, de groot Bedüden hebbt för dat aktive Deelnehmen in de Gemeenschap un Arbeit ohn Betohlen. Dorför mööt de ölleren Lüüd so veel Chancen kregen as mööglich.

För junge Lüüd

"Kinner sünd uns Tokunft!" Dat is ook dat Programm vun de FDP un dorför stötten wi ook dat Präventionskonzept vun den Kreis un moken dor mit. Raatslaan för de Öllern in´n Kinnergoorn un in de School hebbt een groot Bedüden un dorför mutt dat ok Geller nich bloots vun Bund un Land, man ok vun´n Kreis geven.

Wo dor Help för Kinner nöödig ward, schall dat op´t best in de Familien ween un nich woanners.

För dat Utbillen

Hüdigendaags is dor een groot Tall vun Anbotten met Ünnerscheed nödig för dat Utbillen und Lehren. De Scholen mööt sülvst Verantwoorden dorför kregen, wodennig se dat moken wüllt.

De FDP sett sik besünners in för:

  • Glieke Chancen för uns Kinner.
  • Lehren all in´n Kinnergoorn.
  • Ok tokamen Stött för Sozialarbeit in de Scholen.

Beroopsscholen

Dat köst ´n Barg de Beroopsscholen in Stand to hollen. In Pinnbarg ward de School meist ganz nee opboot, in Elmshorn ward ´n nege Warksteed boot. De FDP arbeidt met dorför, dat dat ok good finanzeert ward.

För de Gesundheit

Met de Hölp vun de FDP het dat klappt, dat de Krankenhüs deelwies an Sana gungen un de dree Hüs in Elmshorn, Pinnbarg un Wedel jümmers noch arbeiden un utboot warrn.

De Pleeg vun öllere Lüüd tohus is beter as in´n Pleeghus. Dorför mutt mehr Personal beter utbillt warrn as hüdigendaags.

De Vörsorg gegen Süchten

(Suchtprävention)is nödig, awer de düsse Arbeit mokt, schöölt sik ok meten un verglieken laten, wat se dat ok good mokt.

För soziale Sekerheit

In dat Soziale hett jedeen sülvst Verantwoorden, man ook för annere. Sozialhelp vun den Stoot schall bi de ankomen, de dat nödig hebbt, un nich bi de, de dor am meisten rut to halen versteiht.

Dat Teel mutt sien för jedereen tostanntokriegen, dat he oder se en sülvststännig Leven föhren köönt.

Tweete Arbeitsmarkt: Nich all Lüüd köönt in den iersten Arbeitsmarkt rin. De FDP will sik dorför insetten, dat Bund, Land, Kreis un Gemeenen een Weg finnen dot för een tweeten Arbeitsmarkt.

Sozialhelp: De ward tokünftig vun´n Bund betolt. Wi möt awer oppassen, dat de Kösten bi dat Anpassen ok richtig kalkuleert ward.

För de Integratschoon

För de Lüüd de ut dat Utland to uns komen deit un för Asyl frogt, mutt wat doon warrn. De FDP hett an dat "Integrationskonzept" vun den Kreis mitwarkt. Dat Teel mutt ween, düsse Lüüd de Schangs för Sprok liehren, Utbillen un Arbeit to geven.

För den Sport

De Sport hett en grote Opgav besonners för de jungen Lüüd, dat is gesund un good för de Gemeenschap. De Gemeenen schallt för gode Sportsteeden sorgen. De FDP stütt´de Kreissportverband  op de Duer.

För de Kultur

Hier schall dat bunt togohn und dat dat möglich ward, mutt de Kreis dor ok Geller för hebben. Den Kreiskulturpreis schall dat ok fürder geven und de Drostei wüllt wi behollen as en Kulturzentrum. De Geller dorför schallen vun Stifters komen.

Dorför dat wi uns röhren köönt

Wat op Hochdütsch Mobilität nömt ward hett groot Bedüden för uns all.

Dat Fohren mit'n Bus: De Tosamenarbeit vun de Kreisverkehrssellschop KViP un den HVV mut noch beter warrn, so dat dat lichter ward, vun den egen Auto op Bussen und Bohn ümtostiegen.

Autofohren: Veele Lüüd fohrt gefährlich, dorför mutt mehr kontrolleert warrn för'n gröttere Sekerheit ok för Footgängers und Radfohrers.

För de Sekerheit

Füerwehr und Rettungskooperatschon sünd ganz wichtig un ok wat de Kreis för'n Katastrofenschutz deit. De FDP hett mit dorför bidrogen dat Geller för den Utbo vun de Kreisfüerwehrzentrool gifft.

För de Ümwelt

Pinnbarg is de lüttste Kreis wat de Flaag angeiht, awer mit de meisten Inwohners, so dat wi besonners vörsichtig mit de Natur umgohn mööt. De FDP is dorför dat de Minschen ook Togang to de Naturschutzgebieten hebben schöölt un dat de Beken wedder so as freuer mokt warrn.

Biogasanlogen: Bi den Bundestag will sik de FDP dorför insetten, dat nich noch mehr Mais to Energie ümwannelt ward. Beter is an de Steed vun Mais wat anners to nehmen as Odel (Gülle) ton Bispeel.

För dat Betohlen

De Husholt in'n Kreis hett sik in de letzten fief Johren verbetert, aver de Utgaven sünnerlich in dat Soziale sünd jümmers noch an't Stiegen.

De FDP will ok in Tokunft mit dor an arbeiden dat de Hushalt inne Reeg kümmt.

De Verwalten mutt lütter warrn, aver dor dörf de Gesundheit vun de Mitarbeiders nich unner lieden. Be jedeen niege Opgav mutt eerst nipp un nau keken warrn, wodennig un mit woveel Geld dat mookt warrn kann un mutt.

För dat Wiederkomen

Wi Liberole sünd för dat "Ratschonaliseren" vun de Arbeit in uns Verwalten, ok mit de Help vun digitale Waarktüüch.

Dat bedüüdt:

  • De Börgers versteiht de Verwalten beter un köönt mehr mitmoken.
  • Mehr eenheitliche Oort vun Arbeit in de Verwalten un weniger Afdelen un Tostännigkeit mit Ünnerscheden, dat köst weniger un verminnert Fehlers.

De FDP will sik dorför insetten, dat  Togang to'n Internet öber ton Bispeel Breitband för alle Lüüd tostann kummt as ´n notwennige Versorgen för de Tokunft.